Natural Science and World Views: An Analysis of the Origin and Development of Natural Science
Abstract
In hierdie artikel word oor die verwantskap tussen die beoefening van natuurwetenskap en wêreldbeskouinge besin. Sedert die 16de eeu word natuurwetenskap as ’n direkte empiriese ondersoek van natuurlike verskynsels beoefen. Hierdie wyse van wetenskapsbeoefening het sy ontstaan in die Christelike Weste gehad, en nie in kulture wat panteïsme, politeïsme en animisme aanhang nie. Tans word die natuurwetenskap in ’n raamwerk van materialisme en realisme beoefen, maar daar is mense, ook natuurwetenskaplikes, wat ’n raamwerk van anti-realisme en selfs ’n vergeesteliking van die natuur bepleit.
Die doel met hierdie artikel is om die Bybelse wêreldbeskouing as paradigma vir natuurwetenskap te verdedig. Argumente word aangevoer dat die Bybelse beskouing van die natuur en die menslike verstand uniek is en dat dié beskouing noodsaaklik vir die ontstaan was en dus ook noodsaaklik vir die voortgaande bestaan en ontwikkeling van natuurwetenskap is. Die outeur se argumente berus op die wesenlike aard en limiete van empiriese wetenskapbeoefening. Dié vorm die noodsaaklike agtergrond waarteen die ontstaan van empiriese wetenskap in die Christelike Weste en nie in ander kulture nie wat panteïsme, politeïsme en animisme aanhang, verklaar kan word. Daarbenewens word ook die historiese filosofiese proses wat die Weste eerstens tot materialisme en tans tot antirealisme en pogings om ’n vergeestelikte natuurbeskouing te vestig in hierdie artikel uiteengesit. Daar word geargumenteer dat beide die materialisme en die anti-realisme filosofiese afleidings is wat op voorveronderstellinge berus wat uiteraard self onbewysbaar is. Daar word ook geargumenteer dat die Bybelse beskouing van die natuur en dievermoë van die menslike verstand om die natuur te ken en verstaan behoue gebly het in materialistiese wetenskap, en dié verklaar die ooreenkomste tussen wetenskapbeoefening in ’n Bybelse en materialistiese raamwerk. Die verskille tussen die twee wyses van wetenskapbeoefening word ook uitgewys. Deurgaans word die gepastheid van filosofiese raamwerke anders as die Bybelse raamwerk krities ontleed en opgeweeg.
Published
How to Cite
Issue
Section
In Terms of the provisions in the Copyright Act, 98 of 1987, as amended, the copyright of author(s) in regard to articles submitted to and published in the Journal for Christian Scholarship is protected. The Vereniging vir Christelike Hoër Onderwys (VCHO) posesses the vested rights (copyright) in regard to published issues of the journal.
Die outeursreg (kopiereg) van outers ten opsigte van voorgelegde artikels aan en gepubliseerde artikels in die Tydskrif vir Christelike Wetenskap word beskerm, ingevolge die bepalings van die Wet op Outeursreg, 98 van 1987, soos gewysig. Die Vereniging vir Christelike Hoër Onderwys (VCHO) beskik oor die gevestigde regte (outeursreg) ten opsigte van gepubliseerde uitgawes van die tydskrif.
