Postmodern Spirituality: an Analysis of its Theoretical Grounding
Abstract
Twee voorveronderstellinge wat die staat vir Suid-Afrikaanse onderwys voorskryf is die evolusionisme en die ontkenning van objektiewe religieuse waarheid. In hierdie artikel word daar geargumenteer dat hierdie voorveronderstellinge aanleiding gee tot ’n wêreldbeskouing wat legimiteit verleen aan onbybelse geestelike praktyke. Hierdie wêreldbeskouing, wat wesenlik postmodernisties is, omdat dit objektiewe religieuse waarheid ontken, is onderliggend aan Westerlinge se toenemende belangstelling in onbybelse geestelike idees en praktyke. Die aard van hierdie wêreldbeskouing is dié van vergeesterde naturalisme,oftewel panteïsme, waar die kosmos as goddelik en die geesteswêreld as inherent deel van die kosmos beskou word. In hierdie artikel word die teoretiese begronding van hierdie wêreldbeskouing ontleed. Dit behels eerstens ’n uiteensetting van hoe die naturalisme deur middel van die evolusieteorie as wetenskaplike regsinnigheid gevestig is en hoe die naturalisme beide ateïsme en panteïsme ondersteun. Tweedens behels hierdie artikel ’n oorsig van CG Jung se psigo-analitiese teorie, omrede dié teorie wetenskaplike geldigheid verleen aan die reduseringe van alle religieë tot mite en die verheffing van mistieke, geestelike praktyke tot psigologiese hulpmiddels. Derdens behels hierdie artikel ’n ontleding van die metafisiese afleidings wat vanaf die nuwe fisika gemaak word. Dié ontleding word genoodsaak, omrede postmoderne spiritualiste hulle tot die nuwe fisika wend as harde wetenskaplike bewyslewering van hulle wêreldbeskouing. Hierdie artikel eindig met ’n kritiese beoordeling van die geldigheid van hierdie wêreldbeskouing.
Published
How to Cite
Issue
Section
In Terms of the provisions in the Copyright Act, 98 of 1987, as amended, the copyright of author(s) in regard to articles submitted to and published in the Journal for Christian Scholarship is protected. The Vereniging vir Christelike Hoër Onderwys (VCHO) posesses the vested rights (copyright) in regard to published issues of the journal.
Die outeursreg (kopiereg) van outers ten opsigte van voorgelegde artikels aan en gepubliseerde artikels in die Tydskrif vir Christelike Wetenskap word beskerm, ingevolge die bepalings van die Wet op Outeursreg, 98 van 1987, soos gewysig. Die Vereniging vir Christelike Hoër Onderwys (VCHO) beskik oor die gevestigde regte (outeursreg) ten opsigte van gepubliseerde uitgawes van die tydskrif.
