Comparison between Boys’ and Girls’ Experiences of Peer Sexual Harassment
Abstract
Die meeste Suid-Afrikaanse en internasionale navorsing oor seksuele teistering in skole fokus op die voorkoms van hierdie tipe gedrag. Daar is egter ’n toenemende aantal studies wat geslag as ’n risikofaktor in seksuele teistering geïdentifiseer het. Ten spyte van ’n omvattende literatuurstudie kon ons geen navorsingspublikasies opspoor wat Vrystaatse seuns en dogters se ervaring van portuurgroep seksuele teistering vergelyk nie. Die doel van hierdie studie is om genoemde leemte in die Suid-Afrikaanse seksuele teisteringliteratuur aan te spreek. ’n Vraelys is deur 474 graad 8-12-leerders voltooi. Ons data het, in teenstelling met die meeste navorsingsbevindinge, getoon dat veral seuns die teiken vir seksuele teistering in skole is. Resultate van die‘t’-toets toon statistiese beduidende verskille tussen seuns en dogters se blootstelling aan nie-verbale en fisieke teistering. Cohen se ‘D’-toets toon voorts aan dat daar ’n geringe prakties beduidende verskil tussen seuns en dogters se blootstelling aan bogenoemde twee vorme van teistering is. Resultate van ‘X2’-toetse toon dat seuns aan beduidend meer insidente van teistering as dogters onderworpe is, veral tydens skoolpartytjies en by die kafeteria (snoepie). Die prakties beduidende verskil tussen seuns en dogters met betrekking tot teistering by skoolpartytjies, sportbyeenkomste en die kafeteria is klein. Die studie toon aan dat seksuele teistering gewoonlik in klein groepe plaasvind. Aanbevelings oor hoe om portuurgroep seksuele teistering aan te spreek, word ook verskaf.
Published
How to Cite
Issue
Section
In Terms of the provisions in the Copyright Act, 98 of 1987, as amended, the copyright of author(s) in regard to articles submitted to and published in the Journal for Christian Scholarship is protected. The Vereniging vir Christelike Hoër Onderwys (VCHO) posesses the vested rights (copyright) in regard to published issues of the journal.
Die outeursreg (kopiereg) van outers ten opsigte van voorgelegde artikels aan en gepubliseerde artikels in die Tydskrif vir Christelike Wetenskap word beskerm, ingevolge die bepalings van die Wet op Outeursreg, 98 van 1987, soos gewysig. Die Vereniging vir Christelike Hoër Onderwys (VCHO) beskik oor die gevestigde regte (outeursreg) ten opsigte van gepubliseerde uitgawes van die tydskrif.
